Armend Zemaj nga LDK-ja thotë se nuk është befasuar nga arritja e marrëveshjes PDK-AAK-Nisma.

Në një lidhje të drejtpërdrejtë në Interaktiv, Zemaj ka thënë se ky koalicion ishte bërë për shkak të frikës së PDK-së që do të humbë zgjedhjet nga LDK-ja.

Zemaj është shprehur optimist se koalicioni LDK-AKR do të jetë fitues i zgjedhjeve dhe ka “ftuar qytetarët të mos tremben nga koalicione të tilla si ai PDK-AAK-Nisma”.

“Për mua s’është risi qoftë si pjesëmarrës i politikës apo edhe si vendimmarrës. Jo vetëm se ishte arritur koalicioni me AKR-në, por PDK ka ditur se ka pasur rënie kohëve të fundit dhe duket që nga frika e humbjes së pushtetit e ka gjetur një zgjidhje me ata të cilët është ndarë kohë më parë nga e kaluara dhe ideologjia, siç janë njerëzit e Aleancës dhe Nismës. Dyshimet i kam theksuar vite më parë duke parë sulmin agresiv që i është bërë LDK-së pavarësisht mosvullnetit të disa prej nesh që të mos jemi pjesë e koalicionit. Dihet se ai agresivitet ishte që të rrëzohej LDK-ja”, ka thënë ai.